2026 جىلعى فۋتبولدان الەم چەمپيوناتىنىڭ باستالۋىنا ساناۋلى مينۋتتار قالدى. استانا ۋاقىتى بويىنشا 12 ماۋسىمعا قاراعان ءتۇنى مەحيكودا پلانەتاداعى باستى فۋتبول ءتۋرنيرىنىڭ سالتاناتتى اشىلۋ ءراسىمى وتەدى, دەپ حابارلايدى Egemen.kz
مەرەكەلىك شوۋ مەكسيكا مەن وڭتۇستىك افريكا رەسپۋبليكاسى قۇرامالارى اراسىنداعى اشىلۋ ماتچىنا شامامەن ءبىر جارىم ساعات قالعاندا باستالادى.
ۇيىمداستىرۋشىلار الەمدىك جۇلدىزداردىڭ قاتىسۋىمەن اۋقىمدى مۋزىكالىق باعدارلاما ازىرلەدى.
ساحنادا David Guetta, EJAE, Megan Thee Stallion جانە ايگىلى يتاليالىق تەنور Andrea Bocelli ونەر كورسەتەدى.
كەشتىڭ باستى مۋزىكالىق وقيعاسى شاكيرانىڭ ونەر كورسەتۋى بولماق. كولۋمبيالىق ءانشى نيگەريالىق ءارتىس Burna Boyمەن بىرگە ءتۋرنيردىڭ رەسمي ءانى – «Dai Dai» كومپوزيتسياسىن ورىندايدى.
سونداي-اق شوۋعا J Balvin, Tyla, Danny Ocean جانە Alejandro Fernández قاتىسادى.
قازاقستاندىق جانكۇيەرلەر الەم چەمپيوناتىنىڭ اشىلۋ سالتاناتىن جانە مەكسيكا – وار ماتچىن Qazsport تەلەارناسىنان تىكەلەي ەفيردە تاماشالاي الادى.
الەم چەمپيوناتىنىڭ العاشقى ويىنى مەحيكوداعى ايگىلى Estadio Azteca ستاديونىندا وتەدى.
مەكسيكا مەن وار قۇرامالارى اراسىنداعى كەزدەسۋ استانا ۋاقىتى بويىنشا ساعات 00:00-دە باستالادى.
فۋتبولدان الەم چەمپيوناتى-2026: ويىنداردىڭ تولىق كەستەسى مەن ۋاقىتى